UBT tapsyratyn balalar qaı pándi jıi tańdaıdy

NUR-SULTAN. QazAqparat - Ulttyq testileý ortalyǵynyń dırektory Rýslan Emelbaev naýryzdaǵy UBT qalaı ótkeni jaıly málimet taratty, dep habarlaıdy QazAqparat.

Onyń aıtýynsha, eń kóp tańdalǵan beıindik pánder kombınatsııalary ózgermegen.

Olar:

- «Matematıka-Fızıka» (25%)

- «Hımııa-Bıologııa» (17%).

Eń az tańdalatyn kombınatsııa «Hımııa-Fızıka» (0,13%). Bul pánderdi tapsyryp «Hımııalyq ınjenerııa jáne protsester» bilim baǵdarlamasyn tańdaýǵa bolady.

63 adam - smartfondardy, shpargalkalardy jáne basqa da tyıym salynǵan zattardy alyp ótý áreketi saldarynan testileýden ótý múmkindiginen aıyryldy.

135 adam - testileý kezinde erejelerdi buzǵany úshin aýdıtorııadan shyǵaryldy, olardyń nátıjeleri joıyldy.

«Testilenýshiler telefondardy, qulaqqaptardy, smart-saǵattardy, shpargalkalardy jáne kalkýlıatorlardy alyp kirmekshi bolǵan. Kalkýlıator, Mendeleev jáne tuzdardyń erigishtik kesteleri kompıýterge júktelgendigin qaıtadan esterińizge sala keteıin» dep eskertti Rýslan Emelbaev.

Eske sala keteıik, buǵan deıin Ulttyq testileý ortalyǵynyń dırektory talapkerlerdiń 65 paıyzy shekti baldy jınaǵanyn habarlaǵan edi.