UBT tapsyrmalarynyń sapasy artady – Ǵylym mınıstrligi

<p>ASTANA. KAZINFORM &ndash; Ǵylym jáne joǵary bilim mınıstrligi Ulttyq biryńǵaı testileý baǵytyndaǵy jumystarǵa qatysty túsinik berdi.</p>

- 2023-2024 jyldar aralyǵynda Dúnıejúzilik banktiń «Orta bilim berýdi jańǵyrtý» jobasy aıasynda elimizdiń barlyq óńirlerinen iriktelgen 350 sarapshy UBT test tapsyrmalaryn tıimdi ázirleý jáne saraptama jasaý boıynsha oqytý kýrsynan ótti. Oqytylǵan sarapshylar Ulttyq testileý ortalyǵy uıymdastyrǵan is-sharalarǵa belsendi túrde jumyldyrylyp, tájirıbelerin odan ári jetildip jatyr. Ortalyq mýltımedıa elementteri men joǵary deńgeıdegi kognıtıvtik mashyqtardy baǵalaıtyn ınteraktıvti tapsyrmalardy ázirleý maqsatynda jańa ınnovatsııalyq onlaın platformasyn engizý boıynsha jumysty atqaryp otyr. Atalǵan platforma arqyly ártúrli tıptegi tapsyrmalardy ázirleý múmkindigi ashylady, bul óz kezeginde UBT tapsyrmalarynyń sapasyn arttyrady, - dep atalyp ótken Ǵylym mınıstrliginiń Kazinform agenttigine bergen jaýabynda.

Osyǵan deıin 2021 jylǵy 3 jeltoqsandaǵy Dúnıejúzilik banktiń «Orta bilim berýdi jańǵyrtý» jobasy aıasynda daıyndalǵan esep negizinde halyqaralyq keńesshilerdiń usynystary eskerilgen.

- Bul turǵyda 2024 jyly UBT-ǵa mýltımedııalyq elementteri bar sáıkestikti anyqtaýǵa arnalǵan test tapsyrmalary engizilgendigin atap ótemiz, - delingen vedomstvo aqparatynda.

Bıyl tamyz aıynda Ǵylym jáne joǵary bilim mınıstri Saıasat Nurbek Ulttyq biryńǵaı testileý júıesindegi ózgeristerge qatysty pikir aıtty.