ÓSKEMEN. QazAqparat - Shyǵys Qazaqstan oblysynda UBT-nyń alǵashqy kezeńinde 65 oqýshydan tyıym salynǵan zattar anyqtalǵan, dep habarlaıdy QazAqparat.
ShQO-da Ulttyq biryńǵaı testileýdiń alǵashqy kezeńi 16-19 qańtar aralyǵynda Óskemendegi S.Amanjolov atyndaǵy ShQMÝ-da, Semeı qalasyndaǵy Shákárim memlekettik ýnıversıtetinde jáne aýdandardaǵy 8 mektepte ótkizildi. UBT ádil ótýi úshin zaldar tolyqtaı beınekameralarmen jabdyqtalǵan.
«3 kún ishinde 65 oqýshydan tyıym salynǵan zattar anyqtaldy. Onyń ishinde kópshiligi uıaly telefon, smart saǵat qoldanǵan. Jalpy sany 42 test tapsyrýshy zaldan shyǵaryldy», dep habarlady ShQO Sybaılas jemqorlyqqa qarsy qyzmeti.
Talǵatjan Muhametbekuly
Óskemendegi S.Amanjolov atyndaǵy ShQÝ-dy "Jýrnalıstıka" mamandyǵy boıynsha támamdaǵan. Eńbek jolyn 2015 jyly ShQO "Aldaspan" gazetinde tilshi bolyp bastady. ShQO "Meniń ólkem" gazetinde tilshi, respýblıkalyq "Jas qazaq", "Zań" gazetterinde Shyǵys Qazaqstan oblysy boıynsha menshikti tilshi, ShQO "Meniń ólkem" gazetiniń bas redaktory qyzmetterin atqarǵan. Kazinform agenttiginde 2021 jyldan beri jumys istep keledi.