UBT-nyń ekinshi kúni: 261 talapker ereje buzdy, 19 balanyń qyzýy kóterildi

NUR-SULTAN. QazAqparat – 22 maýsymda respýblıka boıynsha 9 748 talapker UBT-ǵa qatysyp, onyń 261-i aýdıtorııadan shyǵaryldy, dep habarlaıdy QazAqparat Ulttyq testileý ortalyǵyna silteme jasap.

22 maýsym kúni respýblıka mektepterinde UBT-ǵa 9478 talapker qatysqan. Onyń 2,7 paıyzy nemese 261-i ereje buzyp, aýdıtorııadan shyǵaryldy. 19 talapkerdiń nemese 0,2 paıyzynyń dene qyzýy kóterilgen.

Nátıjesinde 9,5 myńǵa jýyq balanyń 6 553-i nemese 69,1 paıyzy shekti baldy jınaı aldy. Al 58 talapker (0,6%) – 130 balldan joǵary kórsetkishke qol jetkizdi.

Aıta keteıik, UBT erejesin buzyp, bıyl test tapsyrý múmkindiginen aıyrylǵan túlekter qańtar aıyndaǵy test sertıfıkatyn paıdalana alady.

«Dostar, eger siz UBT-ny 2020 jyldyń qańtarynda tapsyryp, shekti ball jınaǵan bolsańyz, sol sertıfıkatpen JOO-ǵa aqyly negizde túse alasyz. Óıtkeni zańnyń keri kúshi bolmaıdy, tipti maýsym aıyndaǵy testileýge kirmeseńiz nemese maýsymdaǵy UBT nátıjeńiz joıylǵan bolsa da, qańtar aıynyń UBT sertıfıkaty jaramdy bolyp qala beredi», - deıdi testileý ortalyǵyFacebook parashasy arqyly.

Eske salaıyq, testileýdiń alǵashqy kúni 6 186 adam qatysyp, 164 talapker bıyl test tapsyrý múmkindiginen aıyryldy.

Bıylǵy UBT elimizdiń barlyq óńirinde 21 maýsym men 5 shilde aralyǵynda ótedi.