UBT-nyń altynshy kúni 129 túlektiń test nátıjesi joıyldy
19:55, 26 Maýsym 2020
NUR-SULTAN. QazAqparat – QR Bilim jáne ǵylym mıınstrligi UBT-nyń altynshy kúnin qorytyndylady, dep habarlaıdy QazAqparat.
«26 maýsym kúni UBT elimizdiń 14 óńirinde jáne respýblıkalyq mańyzy bar 3 qaladaǵy 80 pýnktide ótti. Testileýge jalpy 14 768 túlek qatysty, onyń ishinde 11 223 adam - qazaq tilinde, 3 535 adam - orys tilinde test tapsyrdy.
75 túlek testileýge kirgizý kezinde tyıym salynǵan zattardy aýdıtorııaǵa alyp ótýge tyrysqany úshin UBT tapsyrý múmkindiginen aıyryldy. Sondaı-aq 54 túlek tyıym salynǵan zattardy qoldanǵany úshin aýdıtorııadan shyǵarylyp, testileý nátıjeleri joıyldy», - delingen QR Bilim jáne ǵylym mıınstrliginiń habarlamasynda.
Aıta keteıik, UBT-nyń besinshi kúni 133 túlek test tapsyrý quqyǵynan aıyryldy.
UBT erejesin buzyp, bıyl test tapsyrý múmkindiginen aıyrylǵan túlekter qańtar aıyndaǵy test sertıfıkatyn paıdalana alady .