UBT-ny jazbasha emtıhanmen almastyrý múmkin be - testileý ortalyǵy túsindirdi
«Májilis depýtattary UBT-nyń ornyna joǵary oqý ornyna túsýdiń jazbasha emtıhanyn balama retinde qoldanýdy usynǵan bolatyn. Bul másele kún tártibinde qaralyp jatyr ma?» dep surady jýrnalıst ortalyq kommýnıkatsııalar qyzmetinde ótken brıfıngide.
«Ulttyq biryńǵaı testileý 2004 jyly alǵash engizilgen kezde úlken maqsat qoıylǵan edi. Muny erekshe atap ótý kerek, óıtkeni aýyl balasynyń joǵary oqý ornyna túsýine kóptegen jaǵdaı jasaldy. Árıne, bul qazirgi keremet minsiz emtıhan túri dep aıta almaımyz. Biraq qolda bar, qoldanysta bolǵan emtıhan túrleriniń ishindegi tıimdisi - osy UBT bolyp tur. Bizdiń ortalyqtyń basty maqsaty – emtıhandy adal ótkizý. Akademııalyq adaldyq – qazirgi tańda qoǵamdaǵy eń ózekti máseleniń biri. 2019 jyly testke kirgenderden 128 myń tyıym salynǵan zat alynsa, bıyl 400 ese azaıyp otyr. Bul ashyqtyqtyń nátıjesi dep oılaımyn», - dedi ol.
Sondaı-aq, ol, bıylǵy UBT-da suraqtardyń sapasyna kóp kóńil bólingenin aıtty.
«UBT nátıjesi boıynsha eń kóp syn men daýǵa qalatyn pán Qazaqstan tarıhy bolatyn. Qazirgi suraqtar jattaýdan góri fýnktsıonaldyq saýatqa beıimdeligen. Bıyl Qazaqstan tarıhynan mán-mátin suraqtarynyń engizilýi de - sonyń bir kórsetkishi. Al jazbasha emtıhan júıesine kóshý máselesi meniń quzyretime kirmeıdi. Bizdiń mindet – qazirgi UBT-nyń ashyq ári adal ótýin, ondaǵy suraqtardyń sapaly bolýyn qamtamasyz etý», - dedi Ulttyq testileý ortalyǵynyń dırektory.
Atalǵan brıfıngide Rýslan Emelbaev Face-ID júıesi inisiniń ornyna UBT tapsyrmaq bolǵan jigitti orta joldan qaıtarǵanyn aıtty.
Foto: ortcom.kz