UBT-ny aǵylshyn tilinde 28 adam sátti tapsyrdy

ASTANA. QazAqparat - 2018 jyly UBT-ny aǵylshyn tilinde tapsyrý múmkindigi jańalyq boldy, dep habarlaıdy QazAqparat tilshisi.

«Bıyl test tapsyrýǵa 102 447 adam, qaza tilinde - 77 224, orys tilinde - 25 177, aǵylshyn tilinde - 46 adam ótinish bildirdi. Fakti boıynsha 28 túlek aǵylshyn tilinde tapsyrdy», - dep habarlady QR BǴM «Ulttyq biryńǵaı testileý» RMQK dırektory Ramazan Álimqulov ÓKQ-daǵy baspasóz máslıhatynda.

Aǵylshyn tilinen ortasha ball 84,9, sonyń ishinde 5 pánnen respýblıkalyq ortasha ball - 83,1 quraǵan.

«Bizdiń oıymyzsha, bul statıstıka aǵylshyn tilindegi test suraqtarynyń sapasy jáne mazmuny jaǵynan jaqsy bolǵanyn rastaıdy», - dep atap ótti Ramazan Álimqulov.

Sondaı-aq, ol UBT-ny aǵylshyn tilinde tapsyrǵan túlekterden apellıatsııalyq shaǵymnyń túspegenin atap ótti.

Ramazan Álimqulov málim etkendeı, UBT-ny aǵylshyn tilinde tapsyrǵan 28 túlektiń beseýi Astana, jeteýi Atyraý, altaýy Shymkent, úsheýi Qostanaı, beseýi Almaty qalalarynda. Pavlodar men Óskemende bir-bir oqýshy test tapsyrǵan.