UBT negizinde sertıfıkattar men qujattardy qabyldaý 25 shildege deıin sozyldy

NUR-SULTAN. QazAqparat - Kolledj, joǵary oqý oryndarynyń stýdentteri kóbinese qashyqtan oqý formatynda oqıtyn bolady. Bul týraly Ortalyq kommýnıkatsııalar qyzmetinde onlaın ótken brıfıngte QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Kolledj, joǵary oqý orny stýdentteri kóbinese qashyqtan oqý formatynda oqıtyn bolady. Keıbir mamandyq boıynsha tájirıbe, laboratorııalyq jumys jáne basqa da osyndaı dástúrli oqý rejımi boıynsha usynystardy qabyldap, ondaı múmkindikti beremiz. Sondaı-aq, shalǵaıdaǵy aýyl-aımaqtarda da kolledjer bar. Epıdemıologııalyq jaǵdaı jaqsy bolsa olarǵa dástúrli túrde sabaq berýge ruqsat etemiz», - deıdi Bilim jáne ǵylym mınıstri Ashat Aımaǵambetov.

Onyń aıtýynsha, magıstratýraǵa test tapsyrý boıynsha aıtarlyqtaı ózgerister joq.

«Bıyl testileý tamyz aıynda uıymdastyrylady. Aǵylshyn tilin ıgerý boıynsha talaptardy sál kúsheıttik. Osyny qospaǵanda úlken ózgerister joq. Qazirgi ýaqytta bakalavrıat jáne doktarantýra boıynsha jumystar júrip jatyr. Bakalavrıat boıynsha UBT aıaqtaldy. Endi UBT negizinde sertıfıkattarmen kúni keshe qujattardy qabyldaý rásimi bastaldy. Osy rásimdi 25 shildege deıin sozdyq», - deıdi ol.