UBT: Qyzylordalyq túlek 137 ball jınady

QYZYLORDA. QazAqparat - Ulttyq biryńǵaı testileýde Qyzylorda oblysy túlekteriniń arasynda eń joǵary ball jınaǵan Dılnaz Almatqyzy ustazdyq joldy tańdap otyr. Bul týraly QazAqparat BǴM silteme jasap habarlaıdy.

Ol Qyzylorda qalasyndaǵy T. Júrgenov atyndaǵy №136 mektep-lıtseıiniń oqýshysy. Pedagog bolýǵa talpynysy erekshe túlek testileýge eki márte qatysyp, alǵashqysynda – 134, ekinshi ret 137 ball enshiledi.

«Ustaz bolýdy janyma jaqyn tutamyn. Bilgen bilimińdi balalarǵa úıretý degen keremet qoı, mańyzdy mıssııa ári erekshe jumys dep oılaımyn. Bolashaqta fızıka pániniń muǵalimi bolamyn. Oılaǵan armandarym, alǵa qoıǵan maqsattarym jeterlik. Bolashaqqa nyq qadam basyp, armanym oryndalady degen senimdemin»– deıdi Dılnaz.

Dılnaz bıyl Ulttyq biryńǵaı testileý ár túlekke erekshe múmkindik syılap, sonymen birge synaq ádil ári erekshe ótip jatqanyn erekshe atap ótti.