UBT: qazaqstandyq túlek hımııa formýlalaryn bótelke syrtyna syıdyrǵan
Onyń aıtýynsha, mektep túlekteriniń biri hımııa formýlalaryn mıneraldy sý syrtyna jazyp alǵan.
«Jyl saıyn óz aramyzda eń tapqyr «shpargalkalar» tizimin jasaımyz. Bıyl biregeı mıneraldy sý bótelkesi tabyldy. Onda sýdyń quramy, zańdy mekenjaıynyń ornyna hımııa formýlalary jazylǵan. Al zań boıynsha, aýdıtorııaǵa mıneraldy sý alyp kirýge ruqsat etilgen», - Ramazan Álimqulov Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, mıneraldy sý bótelkesi «shpargalkalardyń» beıresmı reıtınginde ázirge kósh bastap tur.
«Bul túlektiń tapqyrlyǵy bizdi qýantady. Sebebi, jyldan-jylǵa UBT-da balanyń fýnktsıonaldyq saýattylyq deńgeıin anyqtaıtyn suraqtar kóbeıip keledi. ıAǵnı, logıkalyq oılaý, taldaý jáne bilimdi tájirıbe júzinde qoldana alý qabileti mańyzdy. «Shpargalka» avtory tehnıkalyq baǵytty tańdaǵany durys. Ol óziniń tapqyrlyǵymen, eptiligimen elimiz úshin úlken paıdasyn tıgize alady», - dep qaljyńdady Testileý ortalyǵynyń basshysy.
Aıta keteıik, UBT-nyń alǵashqy úsh kúninde Qazaqstandaǵy ortasha ball 83-ti qurady. Eń joǵary nátıje Almaty qalasynda T. Rysqulov atyndaǵy ulttyq ekonomıkalyq ýnıversıtette tirkeldi. Onda almatylyq Hamzın Dáýlet Azatuly 139 ball jınady.
Respýblıka boıynsha 704 mektep bitirýshi 130-139 ball aralyǵynda nátıje kórsetken.
Bıyl respýblıka boıynsha mektep bitirýshilerdiń 70%, ıaǵnı 102 myńy UBT tapsyrady. Mektep bitirgen 147 myń túlektiń basym bóligi UBT-ny qazaq tilinde tapsyrady.
UBT-da jalpy 80 myń suraq bolady. 2018 jylǵa arnalǵan Ulttyq biryńǵaı test suraqtary 50 paıyzǵa jańartylǵan.
Qazaqstandyq mektep bitirýshilerge Ulttyq biryńǵaı testileýden ótýge eki ret múmkindik beriledi. Ekeýinde de qajetti ball jınaı almaǵan balalar JOO-ǵa shartty túrde qabyldanady.
Sondaı-aq, astanalyq túlek UBT-nyń arqasynda kóz jazyp qalǵan ǵashyǵyn tapty.