UBT-dan keıingi appelıatsııaǵa ótinish berý tártibi qandaı

NUR-SULTAN. QazAqparat – QR BǴM Ulttyq testileý ortalyǵynyń dırektory Dıdar Smaǵulov UBT-dan keıingi appelıatsııa talaptaryn túsindirdi, dep habarlaıdy QazAqparat tilshisi.

«Testileý aıaqtalǵannan keıin, talapker apellıatsııaǵa ótinish bere alady. Eger suraqtardyń quramyna nemese tehnıkalyq sebepterge baılanysty appelıatsııaǵa beretin bolsa, onyń 30 mınýt ýaqyty bolady. Otyrǵan ornyndaǵy kompıýterden appelıatsııaǵa bere alady. Appelıatsııa 30 kúnniń ishinde qarastyrylady jáne onyń nátıjesi talapkerdiń jeke kabınetinde kórsetiledi», - dedi D. Smaǵulov Ortalyq kommýnıkatsııalar qyzmetinde.

Osy oraıda ol UBT-daǵy nátıje testileý aıaqtalǵannan keıin birden shyǵaralatynyn aıtty.

Budan buryn habarlanǵandaı, bıyl Ulttyq biryńǵaı testileý elektrondyq formatta ótedi.

Ulttyq biryńǵaı testileýdi eki márte t apsyrýǵa bolady.

Taratylǵan málimetke qaraǵanda, testileýge 4 saǵat (240 mınýt) beriledi. UBT nátıjesi boıynsha talapkerler eń joǵary 140 ball jınaı alady.

Testileý nátıjeleri UBT aıaqtalǵannan keıin birden qoljetimdi bolady.

Árbir talapker jeke kompıýterde otyryp, UBT tapsyrmalaryn oryndaıdy.