UBT-dan keıin grant konkýrsyna qatysýǵa qandaı qujattar tapsyrý kerek

ASTANA. QazAqparat - Ulttyq testileý ortalyǵy grantk konkýrsyna qatysýǵa qajet qujattardyń tizimin jarııalady, dep habarlaıdy QazAqparat.

- jeke kýálik;

- UBT sertıfıkaty;

- 3h4 kólemindegi foto;

- orta bilim týraly attestat (kolledj túlekteri úshin dıplom);

- jeńildetilgen sanat boıynsha konkýrsqa qatysa alatynyn rastaıtyn qujattar;

- B167 Ushý apparattaryn jáne qozǵaltqyshtardy ushyryp paıdalaný BBBT úshin dárigerlik ushý-saraptamalyq komıssııasynyń medıtsınalyq kýálandyrýy kerek.

Qosymsha aqparat boıynsha JOO-lardyń qabyldaý komıssııasyna júginýge bolady.

Qujattardy 3 tásilmen qabyldaıdy:

- Oflaın. Joǵary oqý oryndarynyń qabyldaý komıssııasy arqyly. Bul rette turǵylyqty mekenjaıyńyzǵa jaqyn ornalasqan kez kelgen ýnıversıtettiń qabyldaý komıssııasyna júginýge bolady.
- Onlaın. Shalǵaı aımaqta turatyn talapkerlerdiń yńǵaıy úshin JOO-da vırtýaldy qabyldaý komıssııalary talapkerlerge beıne baılanys arqyly keńes berip, qujattar qabyldaıdy.
- Onlaın. Egov.kz arqyly.

Aıta keteıik, talapkerler 16 mamyr men 5 shilde aralyǵynda ótken UBT eki nátıjesiniń bireýin ǵana konkýrsqa usyna alady.

Grant ıegerleriniń tizimi 10 tamyzǵa deıin jarııalanady.

Eske sala keteıik, erteń, ıaǵnı 13 shildeden bastap grantqa qujat qabyldaý bastalady.

Bıyl UBT-dan joǵary ball jınaǵan túlekterdiń sany byltyrǵydan edáýir az boldy.