UBT-da tómen nátıje kórsetken almatylyq mektepterdiń aty ataldy

ALMATY. QazAqparat - Búgin Almatyda bilim berý salasy mamandarynyń tamyz keńesi ótip jatyr. Jıyn barysynda qalalyq Bilim berý basqarmasynyń basshysy Rahat Shımasheva qaladaǵy bilim berý salasyndaǵy jetistikter men olqylyqtar týraly baıandady, dep habarlaıdy QazAqparat.

Onyń aıtýynsha, UBT qorytyndysy boıynsha Almaty bıyl da respýblıka boıynsha kósh bastap tur.

Qala túlekteriniń jınaǵan ortasha baly 97,5 bolyp otyr. Bul respýblıkalyq kórsetkishten 17 balǵa artyq.

Sonymen qatar, basqarma basshysy bıyl UBT-dan tómen nátıje kórsetken mektepterdi de atady.

Onyń aıtýnysha, jalpy alǵanda 279 túlek shekti ball jınaı almady.

«192-mektepte 30 túlektiń 12-si shekti baldy jınaı almady. 81-gımnazııada - 10 oqýshy, 141-gımnazııada - 6, 185-gımnazııada 6 oqýshy shekti kórsetkishke qol jetkize almady», - dedi basqarma basshysy.

Rahat Shımasheva atalǵan mektep basshylaryna bilim berý sapasyn kúsheıtýge, ár pán boıynsha keshendi taldaý júrgizýge, tıimdi basqarý sheshimderin qabyldaýǵa usynys berdi.

Al, bıylǵy oqý jylynda UBQ kezinde úzdik nátıje kórsetken mektepter qatarynda 140, 90, 39, 92, 175 mektepter ataldy.

Qalada 16 túlek maksımal 140 balldyń 135-139 bala aralyǵynda jınaǵan.