UBT-da shekti ball jınaı almaǵan aqtóbelikter kásiptik bilim alady

AQTÓBE. QazAqparat - Aqtóbede UBT kezinde shekti ball jınaı almaı qalǵan talapkerlerdiń tizimi jasaldy. Olardyń basym bólimi kásiptik tehnıkalyq orta oqý oryndaryna qujat tapsyryp, keıbiri jumysqa ornalasady, dep habarlaıdy QazAqparat tilshisi.

UBT tapsyryp, joǵary oqý ornyna qajetti shekti baldy jınaı almaǵan talapkerler «Nátıjeli jumyspen qamtý jáne jappaı kásipkerlikti damytý» baǵdarlamasy arqyly qysqa merzimdi kýrstarǵa jazylyp, jumysqa ornalastyrylady. Aqtóbe qalalyq jumyspen qamtý ortalyǵynyń mamany Áıgerim Saǵymbaevanyń aıtýynsha,  qalada 1091 bos jumys orny bar jáne onyń 359-y joǵary nemese kásiptik bilimdi qajet etpeıdi eken.

 «Nátıjeli jumyspen qamtýdy jáne jappaı kásipkerlikti damytý» baǵdarlamasynyń 2017-2021 jyldarǵa arnalǵan josparyna sáıkes bıyl 1094 adam qysqa merzimdi kásiptik oqýmen qamtamasyz etiledi. Ulttyq biryńǵaı testke qatyspaǵan nemese upaıy shekti deńgeıge jetpegen mektep túlekterine 385 oryn bólindi, - dedi qalalyq jumyspen qamtý ortalyǵynyń mamany Áıgerim Saǵymbaeva.

Aıta keteıik, qazirgi kezde 107 túlek kásiptik tehnıkalyq oqý oryndaryna, ekeýi qaıta daıarlaý kýrstaryna oqýǵa qabyldanǵan. Al 22-i jumysqa ornalasyp, bireýi Otan aldyndaǵy boryshyn óteýge attandy. Densaýlyǵy syr bergen mektep túlekteri bıyl demalýdy jón kórip otyr. Ózge oblysqa qonys aýdarǵandar da bar. Qazirgi ýaqytta 19 túlekti jumysqa ornalastyrý joldary qarastyrylýda.