UBT-da erekshe qajettilikteri bar túlekterge qosymsha 40 mınýt beriledi

<p>ASTANA. KAZINFORM &ndash; QR Ǵylym jáne joǵary bilim mınıstrligi erekshe bilim berý qajettilikteri bar talapkerlerdiń UBT-ny yńǵaıly tapsyrýy úshin jaǵdaı jasaýda. Bul týraly Ulttyq testileý ortalyǵynyń dırektory Bolatbek Abdrasılov aıtyp berdi.&nbsp;</p>

«Ótken jyldardaǵydaı, 2024 jylǵy UBT-da erekshe bilim berý qajettilikteri bar talapkerler úshin usynylatyn qosymsha 40 mınýt ýaqyt saqtalady. Kórý qabileti buzylǵan balalardyń yńǵaıy úshin syzba jáne dıagrammalarsyz suraqtar ázirlendi», - dedi Bolatbek Abdrasılov OKQ alańynda ótken baspasóz konferentsııasynda. 

Qabyldanǵan sharalardyń arqasynda testileýge qatysatyn múmkindigi shekteýli balalardyń sany artyp keledi. 

«Eger 2021 jyly UBT-ǵa 90 bala qatyssa, 2022 jáne 2023 jyldary olardyń sany 500 adamǵa jetti», - dedi spıker. 

Aıta keteıik, Qazaqstannyń 14 óńirinde negizgi UBT bastaldy. Al sý tasqyny bolǵan 6 oblysta UBT 25 mamyr-12 shilde kúnderi ótedi. 

Sońǵy jyldary talapkerler bıologııa-hımııa kombınatsııasyn jıi tańdaı bastaǵan.