UBT: Bıyl grant konkýrsyna ótinishter 13-20 shilde aralyǵynda qabyldanady

ASTANA. QazAqparat – Aqtaýlyq talapker Almatydaǵy JOO-ǵa qujat tapsyrǵysy kelse, jergilikti ýınverıstet arqyly qujattaryn joldaı alady. Ol úshin Almatyǵa arnaıy barýdyń qajeti joq. 2023 jylǵy negizgi UBT qorytyndysyn jarııalaǵan Ǵylym jáne joǵary bilim vıtse-mınıstri Qýanysh Erǵalıev shalǵaı óńirlerdegi talapkerlerge osyndaı keńes berdi, dep habarlaıdy QazAqparat tilshisi.

«Osy jerde myna mańyzdy nárseni aıta ketsem, qujattardy kez-kelgen JOO arqyly tapsyrýǵa bolady. Mysaly, Almatyǵa oqýǵa túsýdi josparlap otyrǵan aqtaýlyq túlek grantqa ótinish berý úshin Almatyǵa kelmeı-aq, qujattaryn eGov arqyly onlaın nemese jergilikti JOO arqyly oflaın tapsyra alady», - dedi ol ortalyq kommýnıkatsııalar qyzmetinde ótken brıfıngide.

Sondaı-aq, vıtse-mınıstr grant konkýrsyna qujat qabyldaý 7 kún boıy júretinin eskertti.

«Bıyl grant konkýrsyna qatysý úshin ótinishter qabyldaý kampanııasy 13-20 shilde aralyǵynda júzege asyrylady. Alys aımaqtarda turatyn talapkerlerdiń yńǵaıy úshin eGov elektrondy úkimet portaly arqyly onlaın ótinish qabyldaý júrgiziledi. Sonymen qatar, qujattaryn dástúrli formatta – oflaın tapsyrǵysy keletinder úshin joǵary oqý oryndarynyń qabyldaý komıssııalary jumys isteıdi», - dedi Qýanysh Erǵalıev.