UBT: 5 myńǵa jýyq túrkistandyq túlek 100-den joǵary ball jınady
21:59, 26 Maýsym 2018
TÚRKІSTAN. QazAqparat - Túrkistan oblysynda Ulttyq biryńǵaı testileý bastalǵan bes kúnde emtıhandy 20508 oqýshy tapsyrdy. Eń joǵary 138 baldy 3 oqýshy, 137 baldy 5 oqýshy, 136 baldy 9 oqýshy jınady. Bul týraly oblystyq Bilim basqarmasynan málim etti, dep habarlaıdy QazAqparat.
4843 túlek 100-den joǵary ball jınaǵan. Testileý boıynsha oblystaǵy ortasha ball - 79,4.
Aıta keteıik, UBT erejesin buzǵan 4 oqýshy aýdıtorııadan shyǵarylyp, olardyń testileý nátıjeleri jaramsyz dep tanyldy.
«Testileýge kirgizý kezinde UBT talaptarynyń buzylýy oryn alǵan joq. Barlyq bitirýshiler metalizdegish arkadan ótkizilip, uıaly telefondary alyndy», - dedi vedomstvodan.
2017-2018 oqý jylynda Túrkistan oblysynda 11-synypty 33765 oqýshy bitirse, onyń 22417-si UBT tapsyrýǵa ótinish bildirgen.
26 maýsym kúni eki aýdanda 48 mektepten 1317 bitirýshi UBT tapsyratyn bolady. Olar Maqtaral jáne Saryaǵash aýdandary.