UBT-2024: Nátıjeler qandaı

<p>ASTANA. KAZINFORM &ndash; Elimizde mektep túlekteri úshin mańyzdy naýqan &ndash; Ulttyq biryńǵaı testileý óz máresine jetti. Erteńnen bastap qyz-jigitter bilim grantyn ıelený úshin JOO-ǵa qujattar tapsyra bastaıdy.</p>

Aıta ketý kerek, keıingi jyldary túlekterge UBT-ny eki ret tapsyrýǵa múmkindik berilip otyr. Sáıkesinshe, eń úzdik nátıjemen bilim grantyn ıelenýge úmitker bola alady. 

QR ǴJBM Joǵary jáne joǵary oqý ornynan keıingi bilim komıtetiniń tóraǵasy Gúlzat Kóbenovanyń málimetinshe, bıyl túlekter 326 myń ret UBT tapsyrǵan. Bul – ótken jyldarmen salystyrǵanda 20 myńǵa artyq.

«139 myń túlek shekti bal jınady. Bireýi eń joǵary 140 baldy jınasa, eki bala 139 baldy ıelendi. Aıta ketý kerek, úsheýi de - aýyl mektepteriniń túlekteri. Bir upaı jınaǵan túlek te bar», - dedi ol Ortalyq kommýnıkatsııalar qyzmeti alańynda ótken brıfıngte.

Belgili bolǵandaı, bıyl 79 myńǵa jýyq bilim granty úlestirilmek. Memleket basshysynyń tapsyrmasyna sáıkes, granttardyń 60 paıyzy tehnıkalyq mamandyqtarǵa bólingen. 

Gúlzat Kóbenova kóptegen túlekti, qala berdi ata-analardy alańdatyp otyrǵan suraqqa jaýap berdi. 

«Túlekter bir qalada júrip-aq elimizdiń ózge qalasyndaǵy JOO qujat tapsyra alady. Mysaly, Aqtaý qalasyndaǵy túlek sol jerdegi JOO arqyly nemese onlaın formatta Almaty qalasyndaǵy joǵary oqý ornyna qujattaryn ótkize alady», - dedi spıker.