UBT: 2 myńnan astam qandas talapker test tapsyrýǵa ótinish berdi
2020 jylǵy Ulttyq birińǵaı testileý ortalyǵynyń bazasyna ulty qazaq biraq Qazaqstan Respýblıkasynyń azamaty bolyp sanalmaıtyn 2024 qandas talapker test tapsyrýǵa ótinish bildirgen. Atap aıtsaq, Qyrǵyzstan 3, Ózbekstan 724, Qytaı 577, Reseı 83, Mońǵolııa 555, Túrkimenstan 26, Germanııa 1, Aýǵanstan 4, Túrkııa 2, Tájikstan 4, AQSh 2, Avstrııa 4, Iran 3, mekeni kórsetilmegender 36.
Qandastardy qoldaýǵa arnalǵan «Otandastar qorynyń» málimeti boıynsha, 2018-2019 oqý jylynda ulttyq birińǵaı testileýge daıarlaıtyn daıyndyq bólimin 992 qandas talapker aıaqtaǵan. 2019-2020 oqý jylynda daıyndyq bólimine 1300 talapker oqýǵa qabyldanǵan. 2020-2021 oqý jylyna belgilengen tártipke saı elimizdiń 24 joǵarǵy oqý orny 1300 talapkerdi daıyndyq bólimine qabyldaıdy dep josparlanýda.
Qazaqstan Respýblıkasy Bilim jáne ǵylym mınıstirligi tarapynan qandas talapkerler úshin 4 paıyzdyq kvota qarastyrylǵan. Sebebi, jyl ótken saıyn atajurtta bilim alyp, joǵarǵy oqý ordasyn bitirip, bilikti maman atanýǵa talpynǵan jastardyń sany artyp keledi.
Eske salsaq, búgin elimizde UBT bastaldy.