UBT: 164 adam JOO-ǵa túsý múmkindiginen aıyryldy

NUR-SULTAN. QazAqparat - Ulttyq biryńǵaı testileýdiń birinshi kúninde test tapsyrý erejesin buzǵan 164 adam joǵary oqý ornyna túsý múmkindiginen aıyryldy. Bul týraly QR BǴM Ulttyq testileý ortalyǵy dırektorynyń orynbasary Naýjan Dıdarbekova aıtty, dep habarlaıdy QazAqparat tilshisi.

«21 maýsymda Ulttyq biryńǵaı testileý elimizdiń 15 óńirinde bastalyp, 161 pýnkttiń 51-inde ótkizildi. Onyń 44-i aýyldyq jerde ornalasqan. Jalpy, UBT-nyń alǵashqy kúni barlyǵy 6 512 adam testileýge qatysýy kerek edi. Biraq, testileýge 6 186 adam keldi. ıAǵnı, 95 paıyzdy qurady», - dedi ol Ortalyq kommýnıkatsııalar qyzmetindegi brıfıng barysynda.

Onyń atap ótýinshe, 2020 jylǵy jańashyldyqtardyń biri ǵımaratqa kirgizý barysynda tyıym salynǵan zattar tabylǵan jaǵdaıda testilenýshiniń testileýge jiberilmeýi boldy.

«Osy qaǵıdany ustana otyryp, 21 maýsym kúni respýblıka boıynsha 73 testilenýshi UBT-ǵa jiberilmedi. Sonymen qatar 91 test tapsyrýshy UBT erejelerin buzǵany úshin aýdıtorııadan shyǵaryldy. Tártip buzǵan testilenýshiniń jalpy sany 164 boldy. Olardyń nátıjeleri joıylyp, osy jyly testileýge qatysý múmkindiginen aıyrylyp otyr. Al ótken jyly barlyq testileý merziminde 24 tártip buzý bolǵan edi»,- dedi Naýjan Dıdarbekova.

Ortalyq dırektorynyń orynbasary UBT-ny sapaly jáne obektıvti ótkizý maqsatynda elimizdiń óńirlerine mınıstrliktiń 2 500 ókili jiberilgendigin aıtady.

«Onyń ishinde 518 arnaıy monıtorıng tobynyń ókili, sonymen qatar bilim sapasyn qamtamasyz etý departamentiniń jergilikti ókilderi de bar», - dedi ol.