Ýálıhan Qaısarov shetel azamaty ma?

ASTANA. QazAqparat -QR Prezıdenttigine ózin-ózi usynǵan Ýálıhan Qaısarov ótinishinde basqa memlekettiń azamaty ekendigin kórsetken. Bul týraly búgin QR Ortalyq saılaý komıssııasynyń múshesi Lázzat Súleımen málim etti.

«Úmitkerlerdiń óz qoldarymen jazǵan málimetteriniń ózin Ortalyq saılaý komıssııasy muqııat tekserýde. Mysaly, óz kandıdatýrasyn usynǵan Ý.Qaısarov prezıdenttikke kandıdat bolyp daýysqa túsýge nıet bildirý týraly ótinishinde basqa memlekettiń azamattyǵynda turǵanyn óz qolymen kórsetken», - dedi OSK múshesi.

L.Súleımenniń atap ótýinshe, osyǵan oraı Ortalyq saılaý komıssııasy elimizdiń Іshki ister mınıstrligine atalǵan derekterdi tekserý úshin suraý salǵan.

«Sonymen qatar osy úmitker memlekettik tilde toltyrylǵan ómirbaıandyq derekterinde de birneshe qate jibergen», - dedi ol.