Ýálıhan Qaınazarov: Túrkistan oblystyń zııatkerlik ortalyǵyna aınalady
«Keńestik kezeńde Túrkistan qalasy ónerkásiptik ortalyq bolǵan edi, ol jerde úlken uıymdar qurylǵan bolatyn. Meniń oıymsha, oblystyq mártebege ıe bolǵannan keıin, qala oblystyń zııatkerlik ortalyǵyna aınalady. Osy jerde bilimdi ári bilikti adamdar kóptep jınalǵan kezde, bul óz kezeginde qalanyń damýyna aıtarlyqtaı yqpal etedi», - dedi depýtat.
Sonymen qatar ol Túrkistan Qazaqstan jáne barsha túrki álemi úshin úlken tarıhı mańyzǵa ıe ekenin eske salyp ótti.
«Árıne, alda aýqymdy jumystar kútip tur. Oblys ortalyǵyn salý tek ǵımarat jáne nysandarmen ǵana shektelmeıdi, bul turǵyda eń aldymen osy jumystardy iske asyratyn bilikti adamdardyń kúsh-jigeri qajet. Sarapshylardyń paıymynsha, bul óńirde ekonomıkalyq ári qoǵamdyq belsendilikke tyń serpin beriledi. Shyn máninde, adamı kapıtal men damý boıynsha Túrkistan qalasy Shymkentke básekelestik týdyrady. Qazirgi kezde Shymkent qala retinde ózin tolyqtaı qamtamasyz etýge múmkindikteri jaqyndap qaldy. Sondaı-aq Túrkistannyń oblys ortalyǵy atanýy arqasynda osy óńirde aýyldyq aýmaqtardyń deńgeıin kóterýge jaǵdaı jasalady», - dedi Qaınazarov.
Sóz sońynda ol jańa oblys ortalyǵyna týrısterdiń aǵyny arta túsetindigin atap ótti.
Budan buryn habarlanǵandaı, Elbasy Nursultan Nazarbaev Túrkistan oblysynyń paıda bolýyna baılanysty pikir bildirdi. Sonymen qatar, Prezıdent jańa oblys ortalyǵynyń qurylýyna baılanysty birqatar tapsyrmalar júktedi.