Ýaqytyly tapsyrylmaǵan statıstıkalyq esep úshin aıyppul salynbaıdy
10:20, 07 Sáýir 2020
NUR-SULTAN. QazAqparat - QR UEM Statıstıka komıteti respondentterge ýaqytyly esep bermegeni úshin aıyppul salýdy shegerdi. Bul týraly QR Ulttyq ekonomıka mınıstrliginiń baspasóz qyzmeti habarlady.
«Tótenshe jaǵdaı kezinde respondentterge qatysty QR ÁQK-niń 497-baby boıynsha osy kezeńdegi bastapqy statıstıkalyq derekterdi berý tártibin buzǵany úshin ákimshilik is qozǵalmaıdy; buryn salynǵan aıyppul sanktsııasy boıynsha aıyppul alynbaıdy jáne olardy májbúrlep óndirý úshin materıal joldanbaıdy», delingen habarlamada.
Eske salsaq, 2020 jylǵy 23 naýryzda Qazaqstan Respýblıkasynyń Prezıdenti quqyq qorǵaý jáne fıskaldyq organdar tarapynan kásipkerlerge kez kelgen qysymdy, onyń ishinde, ákimshilik jaýapkershilikke tartýdy boldyrmaýdy tapsyrǵan bolatyn.