«Ýaqyt Tańdaýynyń» jeńimpazdary

ASTANA. 25 naýryz. QazAqparat - «Ýaqyt tańdaýy - Vybor Vremenı» agenttigi men respýblıkalyq qoǵamdyq-saıası «Prezıdent jáne Halyq» gazetiniń birlesken jobasy boıynsha sońǵy bes jyldan beri jyl úzdikteri anyqtalyp keledi.

Bıyl Naýryz merekesi qarsańynda osy jobanyń tórt nomınatsııasy boıynsha jeńimpazdar anyqtaldy.

Ádilqazylar alqasy Jambyl atyndaǵy Qazaq memlekettik fılarmonııasyn (Bas dırektory Muhtar Jamashuly Óteýov) Jyldyń úzdik fılarmonııasy dep tanydy. Ó.Ospanov atyndaǵy Qazaq Topyraqtaný jáne agrohımııa ǵylymı-zertteý ınstıtýty (Bas dırektory Abdolla Saparov) Jyldyń úzdik ǵylymı-zertteý ınstıtýty retinde jeńimpaz boldy. «Ádemi-aı plıýs» jaýapkershiligi shekteýli seriktestigi (prezıdenti Bahargúl Tólegenqyzy) Jyldyń úzdik kompanııasy atalymyn aldy. «QOŃYR» etno-estradalyq toby (Prodıýsseri Serjan Moldasanuly) Jyldyń úzdik estradalyq toby ataǵyna laıyq dep tanyldy. Jeńimpazdardyń qaısysy da úzdik jumystarymen kózge túsken, qoǵamda óz oryndary bar ujymdar.