Ýaqyt talabyna saı bolýymyz kerek - Elbasy
«Shırek ǵasyrdyń ishinde Assambleıa nátıjeli konsýltatsııalyq-keńes organynan óziniń parlamenttik ókili bar jalpyhalyqtyq ınstıtýtqa aınaldy. Ol azamattyq qoǵamnyń ámbabap qurylymynyń barlyq úzdik sıpattamasyn ózine sińirip, dostyq, beıbitshilik, tynyshtyq pen senim Qazaqstannyń qoǵamdyq ómiriniń ajyramas bóligine aınalýy úshin mańyzdy úles qosty. Dál osy Táýelsizdigimizdiń damýy men ulttyq qalyptasý úshin bastapqy shart boldy. Barlyǵymyz da bul jetistik eń aldymen elimizdiń barlyq azamattarynyń arqasynda oryn alǵanyn jaqsy túsinemiz»,- dedi Elbasy.
QR Tuńǵysh Prezıdenti etnosaralyq, konfessııaaralyq kelisimdi buzatyn kez kelgen árekettiń Konstıtýtsııaǵa saı emestigin naqtylaıtyn zań qabyldanǵanyn atap ótti.
«Sol arqyly biz barlyq azamattarymyzdyń quqyǵyn qorǵaımyz. Bul saladaǵy Qazaqstan saıasaty qabyldanǵan barlyq halyqaralyq standarttarǵa jaýap beredi. BUU, EQYU syndy uıymdar bizdiń etnosaralyq qarym-qatynas modelimizge jáne ulttar birligin nyǵaıtýǵa baǵyttalǵan kúsh-jigerimizge joǵary baǵa berip, jumysymyzdy ózgelerge úlgi etip otyr. Biz «Rýhanı jańǵyrý» degen ataýmen qoǵamdyq sanany jańǵyrtý baǵdarlamasyn bastadyq. Onyń maqsaty - jańa shynaıy jaǵdaıda halqymyzdyń sanasyz, oılaý obrazyn, ómirin ózgertý. Muny tereń túsiný qajet. Qazir ómir múldem ózgerip, qoǵamymyzǵa Táýelsizdik jyldarynda dúnıege kelgen jańa býyn keldi. Sondyqtan munyń bárin qaıta qarap, ýaqyt talabyna saı bolýymyz kerek», - dedi N.Nazarbaev.