Ýákiletti organǵa jalǵan qujat usynǵan astanalyq 10 jylǵa sottalyp ketti
2018 jyly sot úkimimen para berýshige 672 mln teńge kóleminde aıyppul salynǵan.
«Jazadan jaltarý úshin para berýshi ýákiletti organǵa aıyppuldy tolyq tólegeni týraly jalǵan qujat usynǵan.
Qalalyq prokýratýra bul qylmystyq derekti der kezinde anyqtap, sottalǵannyń jazasy aıyppuldan 10 jyl bas bostandyǵynan aıyrýǵa aýystyryldy.
Tergep-tekserý barysynda sottalýshynyń mıllıondaǵan aıyppul tóleýden jaltarýǵa kómektesken tulǵa ustaldy», — dep málimdedi baqylaýshy organnan.
Alqabılerdiń qatysýymen shyqqan sot úkimimen kináli tulǵa asa iri mólsherde alaıaqtyq jáne laýazymdy tulǵaǵa asa iri mólsherde para berýge ıtermeleý jasaǵany úshin múlki tárkilenip, memlekettik qyzmetpen aınalysý quqyǵynan ómir boıyna aıyra otyryp, 10 jylǵa bas bostandyǵynan aıyrý jazasyna sottaldy.
Úkim zańdy kúshine endi.