«Ýaqytsha trend»: Mınıstr mobıldi aýdarymdardan bas tartý týraly aıtty

<p>ASTANA. KAZINFORM &ndash; QR Ulttyq ekonomıka mınıstri Álibek Qýantyrov mobıldi aýdarymdardan bas tartý men jappaı qolma-qol aqshaǵa kóshý úrdisi týraly pikir bildirdi.&nbsp;</p>

Bul ýaqytsha trend. Jaı ǵana kásipkerler tarapynan jaǵdaıdy tolyq túsinbeýden týǵan dúrligý. Biz ashyq jumys istegimiz keledi, munda kásipkerlerdiń óz eli úshin jasaý kerek degen oı-sanasy mańyzdy. Zańsyz jumys isteýge bolmaıdy. Qazaqstan - álemdegi qarjylyq tehnologııalar men mobıldi aýdarymdar turǵysynda eń tsıfrlandyrylǵan el. Bizge AQSh-tan, Eýropadan kelgen sheteldikter tsıfrlandyrý deńgeıin kórip, tańǵalady. Sondyqtan biz sol úrdiste qalamyz dep oılaımyn. Qazir bári boı úıretip jatyr», - dep túsindirdi Álibek Qýantyrov Úkimet úıinde ótken baspasóz máslıhatynda.

Qýantyrov shaǵym bolǵan jaǵdaıda Qarjy mınıstrligine júginýge bolatynyn eske saldy. Degenmen, Ulttyq ekonomıka mınıstri jaǵdaı túzetilip keledi dep esepteıdi.

«Men elektrondy gadjetterdi belsendi qoldanamyn. Bul óte yńǵaıly. Al ekonomıka úshin aıryqsha problemalar týyndaıdy dep oılamaımyn. Barlyq adam qolma-qol aqsha bolsa da, taýar satyp alady. Jaı ǵana bankter bankomattarǵa kóbirek qolma-qol aqsha júkteýi kerek», - dep tolyqtyrdy mınıstr.