Ýaqyt beldeýin zertteýge 160 mln teńge jumsalmaq

<p>ASTANA. KAZINFORM &ndash; Ǵylym jáne joǵary bilim mınıstri Saıasat Nurbek ýaqyt beldeýin ózgertýdiń halyq ómirine áserin zertteýge qansha qarajat ketetinin aıtty.</p>

«Úsh jyldyq zertteýge ótinim kelip tústi. Bıýdjeti – 160 mln teńge. Al shyn jaǵdaıda 90-100 mln teńge ketetin shyǵar dep oılaımyn. Óıtkeni biz konkýrs jarııalaımyz. Keshe joǵary ǵylymı-tehnıkalyq komıssııanyń otyrysy ótti. Konkýrs jarııalaımyz. Ulttyq ǵylymı keńes zertteýdiń naqty qunyn anyqtaıdy», - dedi ol Májilis otyrysynan keıin jýrnalısterdiń suraǵyna bergen jaýabynda.

Mınıstr zertteýge óz mınıstrligi qaı turǵydan atsalysatynyn aıtty.

«Zertteýdiń algorıtmin, egjeı-tegjeıin bilmeımin. Biraq geografııa, zoologııa ınstıtýttary qatysady», - dedi Saıasat Nurbek.

Aıta keteıik, Saýda jáne ıntegratsııa mınıstri Arman Shaqqalıev ýaqyt beldeýin qaıta qaraý týraly usynystarǵa jaýap bergen bolatyn.