U. Qarabalın munaı arzandaǵanymen, benzın nelikten qymbattap jatqandyǵyn túsindirdi
«Álemde munaı baǵasynyń tómendeýi men onyń bizdiń ishki naryqtaǵy munaı ónimderine yqpalyna toqtalyp óteıin. Munaı baǵasynyń túsýine baılanysty, árıne, munaı ónimderine, sondaı-aq negizinen benzın men dızel otynyna biz baǵany tómendetýge tıisti ekenimiz túsinikti. Alaıda, bul turǵyda basqa máseleniń áseri bar. Atap aıtqanda, munaı ónimderiniń úshten bir bóligin biz negizinen Reseıden alamyz. Osy oraıda Reseıde Qazaqstanǵa benzındi jetkizetin treıderlerimiz munaı ónimderin jeke qurylymdardan, zaýyttardan kelisimshart boıynsha satyp alady. Kóterme satyp alýlar sharttar boıynsha júzege asyrylady jáne ondaǵy baǵany satýshy naryqtyq jaǵdaılar aıasynda bekitedi»,-dedi U. Qarabalın.
Osy oraıda ol burynǵy baǵamen Qazaqstanǵa eshqaısylary da benzındi jetkize almas edi, ıaǵnı, kóbisine bul bıznes tıimsiz bolady. Nátıjesinde otyn tapshylyǵy týyndaýy yqtımal.
Onyń sózine qaraǵanda, bizdiń jaqyn kórshilerimizge qaraǵanda Qazaqstanda benzın qymbat emes. «Búginde Qyrǵyzstandaǵy baǵa - 160 teńge. Qazirgi kezde bizde reseılik baǵamen teńesip qaldy. Sondyqtan jaqynda qabyldanǵan sharany durys dep esepteımiz»,- dedi U. Qarabalın.
Esterińizge sala keteıik, qyrkúıektiń tórtinde QR Premer-Mınıstriniń birinshi orynbasary Baqytjan Saǵyntaev Úkimet Aı-92/93 benzıni baǵasyn memlekettik retteýden bas tartqandyǵyn habarlaǵan bolatyn. B. Saǵyntaevtyń aıtýynsha, Úkimet benzın tapshylyǵyn boldyrmas úshin Aı-92/93 benzıni baǵasyna memlekettik retteýden bas tartyp otyr. Qazaqstan buryndary Reseıden jetpeıtin benzındi 97 teńgeden alǵan edi, ıaǵnı 1 rýbl - 2,95 teńge baǵamy boıynsha. Búginde teńgeniń erkin baǵamy aıasynda benzın 120 teńgeden satyp alynyp, 108 teńgeden satylýda. «Sáıkesinshe, shyǵynmen eshkim de jumys istegisi kelmeıdi. Eger osylaı jalǵassa, jaqyn arada, qyrkúıektiń aıaǵyna qaraı benzın tapshylyǵy týyndaıdy», - dedi ol.
Onyń sózine qaraǵanda, elimizdegi óndiris pen tutyný balansynda Aı-92/93 benzınin úsh munaı zaýytynda óndirý kólemi 2,1 mln. tonna, al tutyný deńgeıi 3,2 mln. tonnany qurap otyr. ıAǵnı, 1,1 tonna kóleminde jetispeýshilik bar. Bul qajettiliktiń negizgi kólemi Reseıden jetkizilýde.