U.Qarabalın: Gaz salasyn damytý tujyrymdamasy osy jyldyń 4-toqsanynda Úkimet qaraýyna engiziledi

ASTANA. QazAqparat - Gaz salasyn damytý tujyrymdamasy osy jyldyń 4-toqsanynda Úkimet qaraýyna engiziledi. Bul týraly QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Munaı jáne gaz mınıstri Uzaqbaı Qarabalın málim etti.

«Bizdiń gaz qorymyzdyń shamamen 80 paıyzy ilespe, munaı gazy bolyp sanalady. ıAǵnı ol munaı óndirisimen tyǵyz baılanysta jáne soǵan baılanysty munaı óndirý de biz alatyn gazdy qalaı taratýymyzǵa baılanysty. Birinshiden, biz alynǵan gazdyń bir bóligin satsaq, qalǵanyn suıyq kómirsýtegin óndirý úshin jer qoınaýyna keri aıdaımyz», - dedi mınıstr.

Onyń atap ótýinshe, álemde asa joǵary belsendilik taqtasty óndirý, gazdy qaıta óńdeý salalarynda anyq baıqalady. Osyǵan baılanysty mınıstrlik Elbasy N.Nazarbaevtyń tapsyrmasyna sáıkes gaz salasyn damytýdyń arnaıy tujyrymdamasyn jasaýda.

«Osy qujat ústimizdegi jyldyń tórtinshi toqsanynda Úkimet qaraýyna engiziletin bolady. Bul tujyrymdama otandyq gaz ónerkásibin damytýǵa tyń serpin beredi», - dedi U.Qarabalın.