TJM tótenshe jaǵdaılar kezinde baǵany Úkimet rezervi arqyly turaqtandyrý usynyldy

<p>ASTANA. KAZINFORM &ndash; Tótenshe jaǵdaılar mınıstrligi resmı túrde tótenshe jaǵdaı rejımi jarııalanǵan aýmaqta baǵany Úkimet rezerviniń esebinen turaqtandyrýǵa múmkindik beretin buıryq jobasyn kópshilik talqylaýyna shyǵardy.</p>

Qujatta azamattyq qorǵaýdyń saýda qyzmetine birneshe jańa mindet júkteý usynylǵan. Sonyń ishinde tótenshe jaǵdaı aýdandarynda taýarlar men qyzmet baǵalaryn monıtorıng júrgizip, naryqqa retteýshi áser etý mindeti bar.

Bul mindetti iske asyrý úshin Azamattyq qorǵaýdyń saýda qyzmetine agroónerkásip keshenin damytý salasyndaǵy ýákiletti organmen birlesip, memlekettik rezervten materıaldyq qundylyqtardy shyǵarý qajettiligi týraly Qazaqstan Respýblıkasynyń Úkimetine usynys engizý quqyǵy berilmek.

Sondaı-aq, buıryq jobasynda bıyl kóktemdegi tasqynmen baılanysty jańa norma engizilgen.

«2024 jylǵy sý tasqyny barysynda sý tosqaýyly kesken eldi mekenderdiń turǵyndaryn shuǵyl qutqarý jáne evakýatsııalaý úshin ponton ótkelderin (alynyp, salynatyn aspaly ótkelder – red.) qurý qajettiligi týyndady», - dep jazylǵan negizdemede.

ıAǵnı, Azamattyq qorǵaýdyń ınjenerlik qyzmetine sý jáne basqa kedergiler arqyly ótetin ótkelder salyp, ony jabdyqtaý jáne kútip ustaý mindeti júkteledi degen sóz.

Buǵan deıin Tótenshe jaǵdaılar mınıstri Shyńǵys Árinov vedomstvo árqaısysy 120 mln teńge turatyn órt sóndiretin drondar satyp alýdy josparlap otyrǵanyn aıtqan edi.