TJM Semeıdiń «Aqshyń» bazaryndaǵy órt týraly: Qasaqana ot qoıǵan bolýy múmkin

<p>ASTANA. KAZINFORM &ndash; Órtke qarsy qyzmet komıteti tóraǵasynyń orynbasary Marǵulan Amanbaev Semeı qalasynyń &laquo;Aqshyń&raquo; bazaryndaǵy órttiń yqtımal sebepterin atady.</p>

«6 aqpan kúni saǵat 00.20-da Semeı qalasynyń „Aqshyń“ saýda ortalyǵynda órt shyqty. Órttiń negizgi aýmaǵy 6009 sharshy metr bolǵan. Qazirgi tańda anyqtaý jumystary júrip jatyr. Ol jerde Tótenshe jaǵdaılar mınıstrliginiń oblystyq prokýratýramen, polıtsııasymen birlesken komıssııasy oqıǵanyń sebepterin zerttep jatyr», — dedi ol.

TJM ókili qazir órttiń sebebi týraly úsh nusqa bar ekenin aıtty.

«Birinshisi — órt elektr symdarynyń tuıyqtalýynan shyǵýy múmkin. Ekinshisi — qasaqana órt qoıý. Úshinshisi — saýda ortalyǵynda tok kózderiniń sóndirilmeı qalyp qoıýynan bolýy múmkin. Mine, osyndaı jumystar atqarylyp jatyr», — dedi Marǵulan Amanbaev.