TJM lızıngke 4 ushaq pen 7 tikushaq satyp almaqshy

<p>ASTANA. KAZINFORM &ndash; Tótenshe jaǵdaılar mınıstri Shyńǵys Árinov Úkimet otyrysynan keıin ótken baspasóz máslıhatynda bıýdjet esebinen qandaı áýe tehnıkalaryn satyp alýdy josparlap otyrǵanyn aıtty.</p>

«Tótenshe jaǵdaılar mınıstrligine áli birtalaı tikushaq pen shaǵyn fıýzelıajdi ushaqtar kerek. Bizdiń oıymyz – keleshekte 20 óńirde 20 áýe otrıadyn jasaqtaý. Sonyń arqasynda ol óńirlerde qaýipsizdik qamtamasyz etilip, jas mamandar daıarlanady. Qazirgi tańda biz lızıng arqyly 3 MI-8 AMT tikushaǵy, 4 Ka-32 tikushaǵyn alamyz. Sondaı-aq, táýelsizdik tarıhynda tuńǵysh ret ushaq alyp jatyrmyz. Chehııanyń 4 dana L – 410 ushaǵyn satyp alamyz. Olardy Batys, Shyǵys, Soltústik jáne Ońtústik Qazaqstan óńirlerine qoıamyz. Sonyń arqasynda óz mindetterimizdi oryndaımyz dep oılaımyn», - dedi Shyńǵys Árinov.

Eske salsaq, mınıstr búgingi Úkimet otyrysynda kóktemdegi tasqyn kezinde áýe tehnıkasynyń jetkiliksizdigin sezingenin aıtqan edi.