TJM qutqarýshylary qar qursaýynan 2 adamdy qutqardy

<p><strong data-entity-type="MessageEntityBold">ASTANA. KAZINFORM - Jetisý oblysynda TJM qutqarýshylary qar qursaýynda qalǵan 2 adamǵa kómektesti.&nbsp;</strong></p>

Jetisý oblysyndaǵy «Dostyq-Maqanshy» avtojolynda júk avtokóligi qar qursaýynda qalyp, júrgizýshi 112 pýltine júgingen. 

Qatty boran jaǵdaıynda TJM qutqarýshylary shaqyrý ornyna kelip, Alakól aýdanynyń Dostyq stantsııasyndaǵy eń jaqyn jylytý pýnktine deıin fýranyń júrgizýshisi men jolaýshysyn evakýatsııalady. 

— Saıahatshylar aman-esen. Eshkim medıtsınalyq kómekke muqtaj emes, — delingen habarlamada. 

Eske sala keteıik, buǵan deıin aýa raıynyń qolaısyzdyǵyna baılanysty Úsharal-Dostyq tas joly jabylǵanyn, Alakól aýdanynda kóliktiń barlyq túrine shekteý qoıylǵanyn habarlaǵan edik.