TJM: Kostenko shahtasynda qaza tapqan kenshilerdiń tolyq tizimi 3-4 kúnde jarııalanady

<p>Úkimet otyrysynan keıingi baspasóz konferentsııada Tótenshe jaǵdaılar mınıstri Syrym Sháriphanov Kostenko shahtasyndaǵy apattan qaza tapqandardyń tolyq tizimi nege áli jarııalanbaı jatqanyn túsindirdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Siz Úkimet otyrysynda 46 sońǵy shahterdiń yqtımal dene qaldyqtary tabylǵanyn aıttyńyz. Qaza bolǵan kenshilerdiń tolyq tizimin qashan jarııalaısyzdar?» - dep surady BAQ ókili.

Mınıstrdiń aıtýynsha, buǵan áli 3-4 kún kerek.

«Qazir keıingi tabylǵan 6 shahterdiń aty-jónin anyqtap jatyrmyz. DNQ zertteý josparlanyp otyr. Osydan keıin ǵana (tizimdi) jarııalaı alamyz. Meniń oıymsha, bul 3-4 kún alady», - dedi Syrym Sháriphanov.

Aıta keteıik, 28 qazan saǵat 02:33-te Qaraǵandy oblysyndaǵy Kostenko atyndaǵy shahtada apat boldy. Sońǵy málimet boıynsha, qazaq tapqandar sany 46-ǵa jetken.

Osyǵan baılanysty Qazaqstanda 29 qazan Jalpyulttyq aza tutý kúni bolyp jarııalandy.