TJM eskertedi: elimizde «Kóktem-2024» oqý-jattyǵýy bastaldy

<p>ASTANA. KAZINFORM - Elimizde &laquo;Sý tasqyny kezeńindegi tótenshe jaǵdaılardy joıý kezindegi is-qımyldarǵa azamattyq qorǵaýdyń memlekettik júıesiniń basqarý organdaryn, kúshteri men quraldaryn daıyndaý&raquo; taqyryby boıynsha &laquo;Kóktem-2024&raquo; respýblıkalyq komandalyq-shtabtyq oqý-jattyǵýy bastaldy.</p>

QR Tótenshe jaǵdaılar mınıstrligi baspasóz qyzmetiniń habarlaýynsha, oqý-jattyǵý 2024 jylǵy 8-9 aqpan aralyǵynda Azamattyq qorǵaý júıesiniń jáne halyqtyń kóktemdegi tótenshe jaǵdaılarǵa daıyndyǵyn tekserý maqsatyna júrgiziledi.

Oqý úılestirý jáne jetekshilik etý jónindegi respýblıkalyq shtab Aqtóbede ornalasqan.

«Kóktem-2024» oqý-jattyǵýy sheńberinde respýblıka boıynsha TJ joıý jónindegi is-qımyldardy pysyqtaý boıynsha komandalyq-shtabtyq jattyǵýlar, avarııalyq-qutqarý qyzmetterimen jáne azamattyq qorǵaý qurylymdarymen praktıkalyq is-qımyldar ótkiziletin bolady.

«Kóktem-2024» RKShO barysynda el óńirlerinde elektr sırenalaryn iske qosa otyryp, qulaqtandyrý júıesine tehnıkalyq tekserý júrgiziletin bolady. Bul is-shara halyqqa «Barshanyń nazaryna!» biryńǵaı qulaqtandyrý sıgnalyna den qoıý tártibin daǵdylandyrý maqsatynda ótkiziledi. Osyǵan baılanysty tynyshtyqty saqtap, dúrbeleńge túspeýińizdi suraımyz»,-delingen habarlamada.