TJM basshysy Qostanaı oblysyndaǵy orman órti bolyp jatqan aýmaqqa attandy

NUR-SULTAN. QazAqparat - Tótenshe jaǵdaılar mınıstri ıÝrıı Ilın Qostanaı oblysynyń Áýlıekól aýdanyndaǵy orman órti ornyna tikushaqpen attandy, dep habarlaıdy QazAqparat.

2022 jylǵy 2 qyrkúıekte saǵat 15:10-da Qazanbasy aýylynan 20 shaqyrym jerde, «Basaman KShSh» KMM aýmaǵynda orman alqaby órtengen bolatyn. Órtti sóndirý jumystary jeldiń ekpini men kúnniń qatty ystyq bolýyna («Qazgıdromet» RMK derekteri boıynsha 10-12 m/s deıin, aýa temperatýrasy +36 gradýs), shóptiń qalyń ósýine jáne kirme joldardyń bolmaýyna baılanysty qıyndap otyr.

Órt ornynda Novonejenka aýylynan Qazanbasy aýylyna qaraı 10 shaqyrym jerde jedel shtab quryldy, onyń quramyna memlekettik organdardyń basshylary kirdi. TJD bastyǵy polkovnık B.T. Kárimov órt ornyna bardy.

TJM DJBO bazasynda da jedel shtab jumys isteýde.

Ekpini qatty jeldiń saldarynan órt «Semıozernoe ÝLH» KMM orman alqabynyń qylqan japyraqty ekpelerine jaıyldy.

Búgin saǵat 13:00-degi jaǵdaı boıynsha órttiń aldyn ala aýdany 2000 gektardan asady.

Órt ornyna dereý TJD kúshteri men quraldary attandy.

Qyzmettermen ózara árekettesý sheńberinde órt ornyna TJD kóligimen № 90260 áskerı bóliminiń 20 qyzmetkeri (TJD 1 birlik avtobýsy), ІІM Akademııasynyń kýrsanttary 33 adam (1 avtobýs), uıymdar men kásiporyndardyń 15 sý tasyǵyshy (Qostanaı q., Rýdnyı q., Tobyl q., Naýyrzym aýdany), Aqmola oblysy TJD 50 qyzmetkeri, 3 birlik tehnıkasy (1 vahtovka, 1 birlik KShM, 1 avtobýs), SQO TJD 50 qyzmetkeri jáne 6 birlik tehnıkasy (5 ATs, 1 Vahtovka), Qaraǵandy oblysy TJD № 52859 áskerı bólimi jeke quramynan 100 qyzmetker men 11 birlik tehnıka bardy.