TJM basshysy Abaı shahtasynda buǵan deıin bolǵan apattardy atady

QARAǴANDY. QazAqparat –Qaraǵandy qalasynda Abaı shahtasynda qaıǵyly oqıǵaǵa baılanysty brıfıng ótkizgen QR Tótenshe jaǵdaılar mınıstri ıÝrıı Ilın atalmysh kenishte mundaı oqıǵalar budan buryn da bolǵanyn eske saldy, dep habarlaıdy QazAqparat tilshisi.

«Shynymen de bul tragedııa alǵashqysy emes. Onyń ishinde Abaı shahtasynda 2008 jyly osyndaı tótenshe oqıǵa bolǵany esimde. Eń sońǵysy 2017 jyly bolǵan. Ol kezde 3 shahta jumysshysy kóz jumdy. Árbir tótenshe oqıǵanyń sıpaty ártúrli dese bolatyn shyǵar. Mysaly, osy jolǵy oqıǵa kezinde órt tutanyp, taý jynysy opyrylǵan joq. Metannyń taraýynan kómir qabaty opyrylyp, metall tirekter taıyp ketken kezder bolǵan. Bul joly metannyń jınaqtalýyna ne sebep bolǵanyn jeke tekseremiz», - dedi ıÝrıı Ilın Óńirlik kommýnıkatsııalar qyzmetinde.

Mınıstr osydan 10 kún buryn ǵana ArcelorMittal kompanııasynyń jergilikti basshylyǵymen kezdeskenin atady.

«Jańa basshylar bizdi kenishterde de, metallýrgııalyq kombınattyń ózinde de kenshilerdiń jumysyn qaýipsiz etý úshin barynsha kúsh salatyndaryna sendirgen edi. Basshylyqtyń aýysýy sol ýádeniń oryndalýyna negiz bolady degen úmit bar. Al ýáde oryndalmasa, memleket tarapynan, metallýrgııalyq kombınat boıynsha tıisti sharalar qabyldanady. Búginde ondaǵy birqatar óndiris nysanynda jumysty toqtata turý boıynsha sot protsesteri júrip jatyr. Munyń aqyrynda eńbek jaǵdaıy jaqsaryp, qaýipsizdik deńgeıi artady dep úmittenemiz», - dedi Tótenshe jaǵdaılar mınıstri.

Eske salaıyq, 7 qarasha kúni saǵat 08:24-te «ArselorMıttal Temirtaý» AQ Kómir departamentiniń «Abaı» shahtasynda metan gazy taraı bastaǵan. Bul ýaqytta shahtada 64 adam jumys istep jatqan, 54-i evakýatsııalandy. Apat saldarynan eki adam zardap shegip, alty kenshi qaza tapty. Zardap shekkender aýyr halde jansaqtaý bóliminde jatyr.

Prezıdent Qasym-Jomart Toqaev qaza tapqan shahterlerdiń jaqyndary men týystaryna kóńil aıtty. Sondaı-aq zardap shekken azamattardyń tezirek saýyǵyp ketýine tilektestik bildirdi.

Qazaqstan Premer-Mınıstri Asqar Mamınniń tapsyrmasy boıynsha Tótenshe jaǵdaılar mınıstri ıÝrıı Ilınniń basshylyǵymen oqıǵanyń mán-jaıy men sebepterin anyqtaıtyn memlekettik komıssııa quryldy.

Apat saldarynan qaza bolǵandar men zardap shekkenderdiń esimderi.

QR TJM basshysy ıÝrıı Ilın BAQ ókilderine arnalǵan brıfıngide apatqa qatysty qylmystyq is qozǵalǵanyn aıtty. Kóz jumǵan 6 kenshi metan gazy taraǵan kezde qutqarý quralyn kıip úlgermeı qalǵan. Sondaı-aq mınıstr «Abaı shahtasy jabyla ma?» degen suraqqa jaýap berip, shahtadaǵy sıgnal júıesiniń minsiz jumysynyń arqasynda órt tutanbaǵanyn jetkizdi.

Belgili bolǵandaı, kóz jumǵan kenshilerdiń otbasylaryna 10 jyldyq tirshilik shyǵyny tólenedi. Sonymen qatar nesıelerin jabý, baspana berý, stýdent balalarynyń oqýyn tóleý máseleleri pysyqtalatyn bolady.