TJM 4 ushaq pen 7 tikushaq satyp almaq
«Mınıstrlik bólimsheleriniń materıaldyq-tehnıkalyq jaraqtandyrý tásilderi qaıta qaraldy. Órt sóndirýshiniń jaýyngerlik kıimi jaqsartyldy. Endi onyń salmaǵy jeńilirek, bul qutqarý jumystaryn oryndaýǵa yńǵaıly. Sapasy joǵarlap, syrtqy faktorlarǵa tózimdi etip jasalǵan. Jyl sońyna deıin respýblıkalyq jáne jergilikti bıýdjetter esebinen, sondaı-aq lızıng sheńberinde 728 birlik arnaıy tehnıka, 18 myńnan astam kerekti jabdyqtar satyp alynatyn bolady. Tehnıkany birinshi kezekte aýdandyq bólimshelerdiń qajettilikteri úshin bólemiz. Alǵash ret 4 ushaq pen 7 tikushaqty, sondaı-aq, kópqabatty ǵımarattardaǵy órtti sóndirý úshin 2 órtti sóndirý dronyn jáne jedel jaǵdaıdy baqylaýǵa arnalǵan 10 ushqyshsyz ushý apparatyn satyp alý josparlanýda», - dedi ol.
Mınıstrdiń atap ótýinshe, órt sóndirý bólimderin salý tásili qaıta qaraldy. Tamyz aıynda elordada jataqhanasy bar biregeı órt sóndirý beketi ashyldy. Ol 3,5 aıda zamanaýı tehnologııalarǵa saı jyldam salynatyn konstrýktsııalardan salyndy. Osyǵan uqsas «qurylys genokody» barlyq óńirlerde engiziletin bolady.
«Jalpy, respýblıka boıynsha 432 órt sóndirý bólimi bar, 121 órt sóndirý deposyn salý qajet. Sondaı-aq, qarjyny únemdeý esebinen óz kúshimizben órt sóndirý bólimderin jóndep, aýmaqty abattandyrýdamyz. Máselen, Aqmola oblysynda biregeı pılottyq joba iske qosyldy. Eski órt sóndirý beketin jóndegennen keıin órt sóndirýshiler, dárigerler jáne qutqarýshylardan turatyn bólimshe quryldy. Bul jedel túrde kómek kórsetýdi arttyrady jáne adam ómirin ýaqtyly qutqarýǵa múmkindik beredi», - dedi Shyńǵys Árinov.