TJM 20 naýryzǵa deıin úsh óńirde jer silkinedi degen aqparatqa pikir bildirdi

ASTANA. QazAqparat – Tótenshe jaǵdaılar mınıstrliginiń resmı ókili Rýslan Imanqulov qazaqstandyqtardy jer silkinisi qaýpine baılanysty úreılenbeýge shaqyrdy, dep habarlaıdy QazAqparat tilshisi.

Onyń aıtýynsha, vedomstvonyń aýmaqtyq bólimsheler men tehnıka tótenshe jaǵdaıǵa árqashan daıyn.

«Vedomstvoaralyq ózara is-qımyl jáne aýmaqtyq bólimsheler men qurylymdyq bólimshelerdi tekserýdiń tıisti jospary bar. Pysyqtaý kezinde tótenshe jaǵdaıǵa daıyndyq barysy tekseriledi», - dedi Rýslan Imanqulov.

Sonymen qatar mınıstrlik ókili jer silkinisi qaýpi týraly boljamnyń ras ekenin, biraq dúrbeleńge jol bermeý kerektigin aıtty.

«Halyqqa tıisti habardy jetkizip otyramyz», - deıdi vedomstvo ókili.

Odan bólek, Rýslan Imanqulov jer silkinisi qaýpine baılanysty Almaty, Almaty jáne Jetisý oblystarynyń ákimderine eshqandaı hat-habardyń jetpegenin aıtty.

Aıtýynsha, onyń qajeti de joq.