TJD eskertýi: Almaty taýlarynda qar kóshkini júrýi múmkin

<p>Almaty oblysynyń tótenshe jaǵdaılar departamenti jáne &laquo;Qazseldenqorǵaý&raquo; MM Іle-Alataý fılıaly qar kóshkininiń júrý qaýpi týraly eskertý jasady, dep habarlaıdy Kazinform.</p>

Málim bolǵandaı, Almaty oblysynyń taýlarynda 2024 jyldyń 3 qańtaryna deıin kóshkin qaýpi saqtalady. Osyǵan oraı, qutqarýshylar azamattardan, týrıster men demalýshylardan qar kóshkinin týdyrýy múmkin bolǵandyqtan qarly betkeılerge shyqpaýdy, sondaı-aq taýly jerlerde barlyq qaýipsizdik sharalaryn saqtaýdy surady.

«Taýlarda qar deńgeıiniń edáýir ósýine baılanysty (25 sm – den artyq) - Almaty obylysynyń aýmaǵynda qar kóshkini qaýpi joǵary. Joǵaryda aıtylǵandardyń negizinde taýlarǵa barýdan bas tartýdy, taýlardyń qarly betkeılerine shyqpaýdy usynamyz», - dep habarlady «Qazseldenqorǵaý» MM Іle-Alataý fılıaly.

«Eger siz qandaı da bir sebeptermen taýly jerde bolsańyz, qar kóshkinin týdyrmas úshin taýlardyń qarly betkeılerine barmańyz. Eger sizge kómek qajet bolsa, 112 nómirine dereý qońyraý shalyńyz» - delinedi Almaty oblysy TJD habarlamasynda.

Aıta keteıik, Almaty oblysynyń aýmaǵynda Іle-Alataý taý jotasynyń ońtústik betkeıinde Eńbekshiqazaq, Talǵar jáne Qarasaı aýdandarynda 55 kóshkin qaýpi bar ýchaske bar. Negizinen qar kóshkininiń túsýi temperatýra fonynyń joǵarylaýyna jáne jańbyr men qar túrinde mol jaýyn-shashynnyń túsýine baılanysty bolady.