TJ kezinde áleýmettik tólem alatyn azamattar tizimi keńeıtildi

NUR-SULTAN. QazAqparat –QR Eńbek jáne halyqty áleýmettik qorǵaý mınıstrligi tótenshe jaǵdaı kezinde tabysynan aıyrylý jaǵdaılaryna baılanysty Memlekettik áleýmettik saqtandyrý qorynan jańa áleýmettik tólem taǵaıyndalatyn azamattardyń tizimin keńeıtti jáne ony taǵaıyndaý sharttary jeńildetildi. Bul týraly QazAqparat coronavirus2020.kz saıtyna silteme jasap habarlaıdy.

Tólem alýshylar sheńberi keńeıtildi

Bastapqyda bir adamǵa aıyna 42,5 myń teńgeni (eń tómengi jalaqy) quraıtyn áleýmettik tólem azamattardyń kelesi sanattaryna tólenýi kerek edi:

- orta, shaǵyn jáne mıkrobıznes sýbektileriniń qyzmetkerleri;

- jeke kásipkerler;

- jeke praktıkamen aınalysatyn adamdar (notarıýs, jeke sot oryndaýshysy, advokat, kásibı medıator);

- biryńǵaı jıyntyq tólemdi tóleýshiler.

Endi olarǵa:

- azamattyq-quqyqtyq kelisimsharttar boıynsha kiris alatyn adamdar, máni jumystardy oryndaý bolyp tabylatyn (qyzmetter kórsetý), salyq agentterine mindetti zeınetaqy jarnalary tólengen azamattar kiredi.

- karantın engizilgen eldi mekenderdegi iri bıznes sýbektileriniń qyzmetkerleri.