«Tıanchjoý-6» júk kemesi Qytaıdyń orbıtalyq ǵarysh stantsııasymen sátti túıisti

BEIJІŃ. QazAqparat – Qytaılyq «Tıanchjoý-6» júk kemesi búgin QHR «Tıangýn» orbıtalyq ǵarysh stantsııasymen sátti túıisti. Bul týraly Qytaıdyń basqarylatyn ǵaryshqa ushý baǵdarlamalary basqarmasy málimdedi, dep habarlaıdy QazAqparat tilshisi.

Túıisý Beıjiń ýaqytymen tańǵy 05:16-da boldy. «Tıanchjoý-6» sársenbi kúni Haınan provıntsııasyndaǵy Venchan ǵarysh aılaǵynan 21:22-de «Chanchjen-7» zymyran-tasyǵyshynyń kómegimen ushyrylǵan bolatyn.

Júk kemesi stantsııaǵa otyn, azyq-túlik, tájirıbe jasaýǵa arnalǵan materıaldar men basqa da kerek-jaraqty jetkizgen.

«Tıanchjoý-6» júk kótergishtigi – 7,4 tonna.

Ǵarysh stantsııasy bortyndaǵy «Shenchjoý-15» ekıpaj músheleri jaqyn arada júkti kóshirý jáne basqa da qajet jumysty atqarý úshin «Tıanchjoý-6» júk kemesine kirýi kerek.

Qytaıdyń T úlgisindegi «Tıangýn» orbıtalyq ǵarysh stantsııasy 2022 jyldyń sońynda qatarǵa qosyldy.