Twitter-diń burynǵy top-menedjerleri Ilon Maskty sotqa berdi

<p>ASTANA. KAZINFORM &ndash; Twitter-diń burynǵy tórt top-menedjeri kompanııa ıesi, bıznesmen Ilon Maskty sotqa berip, jumystan shyqqany úshin 128 mıllıon dollardan astam aqsha talap etti, dep jazady <a href="https://www.wsj.com/tech/former-twitter-executives-sue-elon-musk-for-over-128-million-in-severance-ea10f43a" target="_blank" rel="noopener">Wall Street Journal.</a></p>

Kalıfornııa federaldy sotyndaǵy talapkerlerdiń arasynda Twitter-diń burynǵy atqarýshy dırektory Parag Agraval, burynǵy qarjy dırektory Ned Sıgal, burynǵy bas zańger Vıdjaıa Gadde jáne burynǵy bas keńesshi Shon Edjett bar.

Buǵan deıin Masktyń olardy jumysqa degen nemquraılyǵy men tártipti qasaqana buzǵany úshin jumystan shyǵarǵany habarlanǵan bolatyn.

Kompanııanyń burynǵy qyzmetkerleri bul aıypty joqqa shyǵarady. 

Olardyń aıtýynsha, Mask olarǵa jumystan shyǵý járdemaqysyn tólemeý úshin qısynsyz sebeptermen jumystan shyǵarǵan.

Buǵan deıin Ilon Masktyń ózine tıesili H áleýmettik jelisin tastap ketken jarnama berýshilerge aıyp taqqany habarlanǵan bolatyn. 

Birqatar iri kompanııalar platformada órken jaıyp kele jatqan antısemıtızm men Masktyń ózi aıtqan janjalǵa baılanysty H-te jarnama jarııalaýdy toqtatqan edi.