TWESCO jobasy halyqaralyq júldege ıe boldy

ASTANA. QazAqparat - Túrki akademııasy halyqaralyq uıymynyń (TWESCO) «Tereń tarıhtan jarqyn bolashaqqa» atty arheologııalyq jobasy Mımar Sınan atyndaǵy halyqaralyq jobalar baıqaýynyń «Dızaın jáne ıdeıalyq jobalar» sanatynda jeńimpaz dep tanyldy, dep habarlaıdy QazAqparat.

Túrki álemi ınjenerleri men sáýletshiler odaǵynyń uıymdastyrýymen 4 jylda bir ret ótkiziletin halyqaralyq jobalar baıqaýynyń jeńimpazdaryn marapattaý saltanaty Kaıserı qalasynda boldy, dep jazady TWESCO saıty.

Túrkııanyń Qorshaǵan orta jáne qala qurylysy mınıstrliginiń qoldaýymen ótken saltanatty jıynǵa memleket jáne qoǵam qaıratkerleri, Túrki álemine qyzmet etetin uıymdar ókilderimen qatar, 36 memleketten kelgen sáýlet-qurylys salasynyń úzdikteri qatysty.

Akademııa júldesi uıymnyń turaqty hatshysy Ashat Kesikbaevqa tabys etildi. Qatysýshylarǵa TWESCO basshysy Darhan Qydyráliniń quttyqtaý sálemin jetkizgen A.Kesikbaev Túrki akademııasynyń qyzmeti men irgeli jobalary jóninde baıandap, uıymdastyrýshylarǵa alǵys bildirdi.

Aıta ketý kerek, baıqaý nátıjesinde «Astana Ekspo-2017» kórmesi «Qala qurylysy» nomınatsııasynda jeńimpaz atandy.

Jalpy, baıqaý «Trans-qurlyqtyq iri jobalar», «Injenerlik jáne səýlet jobalary», «Qala qurylysy», sondaı-aq «Dızaın jəne ıdeıalyq jobalar» nomınatsııalary boıynsha ótti.