TWESCO basshysy Qyrǵyzstan bilim jáne ǵylym mınıstriniń orynbasarymen kezdesti

ASTANA. QazAqparat - Búgin Túrki akademııasy halyqaralyq uıymynyń (TWESCO) basshysy Darhan Qydyráli Qyrǵyzstan Respýblıkasy Bilim jáne ǵylym mınıstriniń orynbasary Nurmamat Esenkýlov myrzamen kezdesti.

TWESCO delegatsııasynyń Bishkekke sapary aıasynda uıymdastyrylǵan kezdesýde D.Qydyráli uıymnyń qyzmeti men keleshek josparlary jóninde áńgimeledi. Qyrǵyzstandyq ǵylymı uıymdar men ǵalymdary arasyndaǵy baılanystardy sóz etip, atqarylǵan ortaq jobalar jóninde baıandady.

Óz kezeginde mınıstr orynbasary Nurmamat Esenkýlov akademııa qyzmetin joǵary baǵalap, aldaǵy jobalaryna meılinshe qoldaý kórsetýge ázir ekenin bildirdi.

Atalǵan mınıstrliktiń ózge de ókilderi qatysqan basqosýda alda ótetin Túrki keńesi Bilim mınıstrler keńesiniń kún tártibi de talqylandy. Sonymen qatar, bolashaq josparlar men birlesken ǵylymı jobalarǵa baılanysty aldyn-ala kelisimderge qol jetkizildi.