Túzeý mekemesinde Naýryz merekesi atalyp ótti
Merekelik sharanyń kórkin Qyzylorda oblystyq fılarmonııa ártisteri qyzdyra tússe, «Arylý» qoǵamdyq uıymy men oblystyq dene shynyqtyrý jáne sport basqarmasy mamandary sporttyq sharalardyń oıdaǵydaı ótýine uıytqy boldy.
Sonymen qatar sharada «Ashyq esik kúni» ótkizilip, jazasyn óteýshilerdiń ata-analary shaqyrtyldy. Olar da meıramnyń mándi ótýine atsalysyp, baýyrsaq pisirý, naýryz kóje daıyndaý saıysyna qatysty. Jaza merzimin óteýshi azamattardyń balalary merekege oraı jyr shýmaqtaryn arnady. Sottalǵan azamattar bolsa, qazaqsha kúres, fýtbol, voleıbol, gir tasyn kóterý, arqan tartys, asyq atý jarystarynan synǵa tústi.
Ata-analar uıymdastyrýshy mekemeniń sottalǵandar arasynda tárbıe jumystaryn uıymdastyrý bólimine óz rızashylyqtaryn bildirdi.