Túımebaev EQYU joǵarǵy komıssarymen kezdesti

NUR-SULTAN. QazAqparat – Dúısenbi kúni Qazaqstan halqy Assambleıasy Tóraǵasynyń orynbasary – Qazaqstan Respýblıkasy Prezıdenti QHA hatshylyǵynyń meńgerýshisi J.Túımebaevtyń Nur-Sultan qalasyndaǵy Dostyq úıinde EQYU-nyń az ulttar isteri jónindegi joǵarǵy komıssary Lamberto Zanermen kezdesýi ótti, dep habarlaıdy QazAqparat.

Júzdesýge QR Parlamenti depýtattary, QHA etnomádenı birlestikteri men jastar qanatynyń ókilderi, Assambleıa músheleri, Eýropadaǵy qaýipsizdik jáne yntymaqtastyq uıymynan Nur-Sultandaǵy EQYU Baǵdarlamalar keńsesiniń basshysy Derd Sabo, EQYU-nyń Az ulttar isteri jónindegi joǵarǵy komıssarynyń aǵa saıası keńesshisi Mark Fýmagallı jáne basqalar qatysty.

Qonaqtardy Dostyq úıi men Nur-Cultan qalasyndaǵy etnomádenı birlestikterdiń qyzmetimen tanystyra otyryp, Janseıit Túımebaev N.Nazarbaevtyń Qoǵamdyq kelisim men ulttyq birliktiń qazaqstandyq modeli jáne Assambleıanyń qurylymy men jalpy atqarylǵan jumystary týraly aıta ketti.

Óz kezeginde, qonaqtar az ulttar isteri jónindegi joǵarǵy komıssardyń sandyq dáýirdegi az ulttar jáne medıa jónindegi Tallın usynymdarymen tanystyrdy.

Kezdesý sońynda taraptar yntymaqtastyq pen tyǵyz baılanysta jumys jasaýǵa daıyn ekenderin bildirdi.