Týý kórsetkishi boıynsha Túrkistan men Mańǵystaý oblysy, Shymkent qalasy kósh bastady

<p>ASTANA. KAZINFORM &ndash; Ulttyq statıstıka bıýrosy 2024 jylǵy 1 qazandaǵy jaǵdaı boıynsha halyq sanyn jarııalady. Málim bolǵandaı halyq sany 20 223 218 adamǵa jetken, onyń ishinde qala turǵyndary &ndash; 12 704 977, aýyl turǵyndary &ndash; 7 518 241 adam. 9 aıda halyqtyń jalpy ósimi 189 376 adam.&nbsp;</p>

2024 jyldyń 9 aıynda Qazaqstanda 278,7 myń bala dúnıege keldi, qaıtys bolǵandar sany – 99,5 myń adam. Osylaısha, halyqtyń tabıǵı ósimi 179,2 myń adamdy qurady.

Týýdyń eń joǵary deńgeıi Túrkistan oblysynda (1000 turǵynǵa 25,04 adam), Mańǵystaý oblysynda (24,84) jáne Shymkent qalasynda (23,68) baıqaldy.

Ólim-jitimniń eń joǵary deńgeıi Soltústik Qazaqstan oblysynda (1000 turǵynǵa 11,52), Shyǵys Qazaqstan oblysynda (11,32) jáne Qostanaı oblysynda (10,12) baıqaldy, bul osy oblystar halqynyń jas qurylymyna baılanysty.

Sonymen qatar, alǵashqy jarty jyldyń ishinde 95 ​​myń neke qıylyp, 29,3 myń ajyrasý tirkeldi.

2024 jylǵy qantar-qyrkúıekte elge kelgender sany 20 383 adamdy, elden ketkender sany
10 201 adamdy qurady. Kóshi-qon aıyrymy – 10 182 adam.

2023 jylǵy tıisti kezeńmen salystyrǵanda Qazaqstanǵa kelgender sany 6,5%-ǵa ósti, Qazaqstannan ketkender sany 19,9%-ǵa azaıdy.

Eldiń negizgi kóshi-qon almasýy TMD memleketterimen júredi. TMD elderinen kelgenderdiń úlesi 79,7%, al bul elderge ketkenderdiń úlesi 76,9% qurady.

El ishindegi kóshi-qon 2023 jyldyń tıisti kezeńimen salystyrǵanda 47,4% ósti. Óńiraralyq kóshi-qon boıynsha elimizdiń 4 óńirinde: Astana (52853 adam), Almaty (26157 adam), Shymkent (5948 adam) qalalarynda jáne Almaty oblasynda (765 adam) halyq kóshi-qonynyń oń aıyrymy qalyptasty.