Tutynýshylardyń quqyn qorǵaıtyn ulttyq qaýymdastyq qurylady

NUR-SULTAN. QazAqparat – QR Saýda jáne ıntegratsııa mınıstri Baqyt Sultanov Úkimet otyrysynda tutynýshylardyń quqyqtaryn qorǵaý baǵytynda qolǵa alynǵan zańnamalyq ózgeristerdiń barysy týraly baıandady, dep habarlaıdy QazAqparat tilshisi.

«Memleket basshysy Ulttyq qoǵamdyq senim keńesiniń VІ otyrysynda zańnamaǵa tutynýshylardyń quqyqtaryn jan-jaqty ári tıimdi qorǵaýǵa baǵyttalǵan ózgerister men túzetýler engizýdi tapsyrdy. Osyǵan oraı, mınıstrlik qazir tutynýshylardyń quqyqtaryn qorǵaý zańnamasyna tıisti ózgerister ázirlep jatyr. Birinshiden, «Tutynýshylardyń ulttyq qaýymdastyǵy» kommertsııalyq emes uıymdarynyń mártebesin zańnamalyq bekitý máselesin pysyqtaýda. Ekinshiden, tutynshýlardyń quqyqtar qorǵaý jónindegi ombýdsmen ınstıtýty týraly zańnamaǵa túzetýler engizýge usynys bar», - dedi vedomstvo basshysy.

Onyń aıtýynsha, atalǵan ombýdsmen tutynýshylardyń quqyqtary jıi buzylatyn salalardy retteıtin memlekettik organnyń basshylaryna júıeli problemalary tikeleı jetkizýge quqyly bolady.

«Áleýmettik saýalnama boıynsha, saýalnamaǵa qatysqan 20 myń respondenttiń 56 protsenti tutynýshylardyń ulttyq qaýymdastyǵyn jáne ombýdsmen ınstıtýtyn qurý usynsyn qoldaǵan. Osyǵan uqsas ınstıýtttar Germanııada, Shveıtsarııada, Shvetsııada, AQSh-ta jáne basqa elderde sátti jumys istep tur», - dedi Baqyt Sultanov.